Ig bi

d Tante Monika.

Aagfange het alles vor es paar Joor. Ig ha umbedingt Bienewachstücher wölle, e coole Brotsack und Gmüessäckli....aber wies mängisch haut isch, zweni Chliigeld ka...de hets nur eis gä u so ha i mi a mini alti Bernina gsetzt u gnäit. Es auts Glettise wär sicher au ke Seich gsi, de mit em Biinewachs...zum Glück het mer mi Muetter no es Glettise ka, sogar mit Station...So ha i alles was i bruche zum schaffe...2 Glettise u e Näimaschine (u viu Stoff u co.... :) ), Schmuck kreiere ig sit i 15ni bi u bastlet ha ig scho immer, denäbe ha i au scho geng Pflänzli zoge u e Garte ka.

Werum nid? Werum nid z Märit mit dene Sache?

U was nä so aagfange het mit Pflänzli i Jogurtbecher (Jede Becher mit ere Nödle Löcher iinebrönnt, damit s Wasser wegfliesse ka, gäbig im Winter voll Vorfreud...), Bienewachstüecher, Brotbütle, Gmüessäckli, Shopingbags, Schmuck us Edelstei u Glasperle....isch glii gwachse. . Immer mine Intresse no, glii hets au Chirschisteiküssi gä, Saatguet i dere Uswahl wo igs gern ha, ha Seife u festi Kosmetik is Sortimänt gno,Putz u Wöschmittu, Halzware u Emaille,Bienewachscherze u bunti Cherze, Läbesmittu i Bioqualität oder chliine ch-Lieferante....und da i gern au chlii Deko ha u Schöni Sache findet dir bi mir au Söttigs..... e bunte Mix.....wie ig :)

Sit em 2020 go i nüm uf e Märt (ok, no ab u zue), sondern ha z Schwarzeburg mis Lädeli.

Ig freue mi, we mini Sache di aaspräche, egal ob vo mir hergstellt oder vo mine Lieferant/inne.

Viu Spass bim stöbere i mim tante.monika-shop

Mis Lädeli

Mis Lädeli

Bi mir findet dir über 40 sorte Seife, alternativi Kosmetik

Saatguet und alles fürt Setzlingufzucht

Allerlei Gschänkideene

Schmuck us Edelstei und Glasperle

Mini Näiwerchstatt

Ig näie für öich

Kirschisteiküssi

Träubenkernkissen

Rapskissen

Arvekissen

Hirsekissen

chliini allg. Näiufträg (z.B. Hose chürze)

Aamelde u nachefroge --> tante.monika@mail.ch